Dagný Guðmundsdóttir
2004
Samsýning sex myndlistarmanna sem allir vinna á minjasöfnum. Þeir tengdu list og minjar saman með því að vinna verk með hliðsjón af safngrip. Þannig urðu til pör sem mynduðu farandsýningu sem byrjaði á Árbæjarsafni en fór síðan sumarið 2005 á hin söfnin sem myndlistarmennirnir starfa við. Sýningin var styrkt af Menningarborgarsjóði. "Það eru margir skemmtilegir munir á Árbæjarsafni. Ég rakst á bleika pottaleppa sem voru gerðir löngu áður en feministar frelsuðu bleika litinn. Þeir voru festir saman með langri snúru til að konan gæti hengt þá á sig, þá voru þeir alltaf við höndina. Þetta var skólaskyldustykki stúlkna. Það skein samt af þessum pottaleppum að þeir höfðu verið í höndunum á sterkri ákveðinni konu. Mig langaði allt í einu til að gera karlmannspart og setja í hendurnar á henni og vita hvað mundi gerast. Það var framlag mitt á þessa sýningu." - Úr sýningarskrá. Sjá nánar http://www.dagny.is/ihlutannaedli.php